Dagskráin komin

Við erum búin að fá dagskrána fyrir ferðalagi í hendurnar. Hún lítur bara ágætlega út, munum túristast eitthvað en það er gert ráð fyrir rólegheitum inn á milli.

Dagskráin lítur svona út:
14. ágúst, þri - Lagt af stað til Kína með stoppi á flugvellinum í Helsinki.
15. ágúst, mið - Lent í Beijing snemma að morgni og kíkt í íslenska sendiráðið á leiðinni á hótelið.
16. ágúst, fim - Skoðum Kínamúrinn og Sumarhöllina.
17. ágúst, fös - Torg hins himneska friðar (Tian'an men Square) og Forboðna borgin heimsótt.
18. ágúst, lau - Engin dagskrá. Ætlum að nota daginn til að kíkja í búðir og rölta um Beijing.
19. ágúst, sun - Fljúgum til Jinan og komum okkur fyrir í hótelinu þar.
20. ágúst, mán - Stóri dagurinn! Fáum Kára Björn til okkar á hótelinu um morguninn og göngum frá ættleiðingarpappírum síðar um daginn.
21. ágúst, þri - Kíkjum í Baotu Spring Park, garð í Jinan.
22. ágúst, mið - Heimsækjum barnaheimilið.
23. ágúst, fim - Förum í dýragarð og förum í einhverja pappírsvinnu.
24. ágúst, fös - Gengið frá einhverjum pappírum, annars afslappelsisdagur.
25. ágúst, lau - Fljúgum til Beijing og komum okkur fyrir á hótelinu þar.
26. ágúst, sun - Skoðum Heaven Temple og (ef ég skil dagskrána rétt,) borðum önd.
27. ágúst, mán - Göngum frá vegabréfsáritun fyrir Kára Björn í íslenska sendiráðinu.
28. ágúst, þri - Fljúgum heim.

Flugið til Kína er samtals eitthvað um 11 tímar, rúmir þrír til Helsinki og um átta til Beijing. Við munum fljúga með Icelandair og Finnair. Flugið á milli Beijing og Jinan er svo bara um klukkutími.

Það styttist óðum í brottför, bara tvær vikur!